Мектеп тарихы
Біздің тарихымыз
Мектеп – болашақ негізін қалыптастыратын, ел мерейін асқақтататын, тұлғалар баптайтын құтты мекен, алтын ұя. Шәкірттерге үлкен тәрбие, білім беретін киелі орда. Мектебіміз – барлығымыздың мақтанышымыз. Алты-ақ әріптен құралған бұл сөздің құдіреттілігі де сонда жатқан болар.
Жас ұрпақты сәулетті қоғамымыздың жан-жақты жетілген, жарасымды азаматы етіп қалыптастыру – мектеп ұжымының мақсаты, шын жүректі тілегі.
Шымкент қаласындағы қорғасын заводында КСРО кезінде өнімнің 80% қамтыған. Осыған байланысты жұмысшы саны күннен-күнге артты, яғни халық саны өсті. Мектептердің салынуына үлкен септігін тигізді. Атап айтқанда 4 мектептің салынуына завод қаржылай көмек көрсетті. Халықтың тығыз орналасуынан 2 мектеп ашылды, №4 және №5 мектептер, №4 мектеп тек ұлдар, ал №5 мектеп тек қыздар мектебі болып ашылды. Жалпы мектеп іргесі 1937 жылы қаланған. Бұл аймақта тек қорғасын заводы емес сонымен қатар прессавтомат заводының да іске қосылған кезі. Алғашқыда мектеп 8 жылдық ұлдар мектебі болды. Біздің түлектеріміз ҰОС жылдарында өз ерліктерін көрсетіп, тарихи кезеңге өз үлестерін қосты. 1968 жылдан бастап жалпы орта мектеп болып өзгертілді. Жалпы мектеп атауын алғаннан бастап ұлдар мен қыздар бірге орыс тілінде оқытылды. 1968 жылдан 2002 жылға дейін орыс тілінде, 2002 жылдан бастап қазақ-орыс тілдерінде оқытылды. Сол жылдары мектепке қазақтың алаш қайраткері, алғашқы балалар дәрігері Халел Досмұхамедовтың есімі берілді. Қазіргі таңда оқушылардың саны күннен-күнге артуда. Нақтырақ айтатын болсақ биылғы оқу жылында 2024-2025 ж 1862 оқушы саны бар. Бұл мектепке ерен еңбегі сіңген ұстаздардында есімін атауға болады.
Жақсы басшы – мектептің жүрегі
2007-2019 жылдар аралығында Абильдаева Бейсенкул Тұрсынбайқызы Шымкент қаласы Х.Досмұхамедов атындағы 4 жалпы орта мектебінде мектеп директоры қызметін атқарды. 14 қараша 1963 жылы Оңтүстік Қазақстан облысы, Мақтарал ауданында өмірге келген.
2019 ж қыркүйек айынан бастап Х. Досмұхамедов атындағы №4 жалпы білім беретін мектебі коммуналдық мекемесінің директоры болып Манкеева Дамира Сериковна тағайындалды.26.04.1986 жылы Шымкент қаласында дүниеге келген.
